ಪ್ರತಿ ಸಂಜೆ ಉತ್ಸವ ಮೂರ್ತಿಗಳನ್ನು ಸುಂದರವಾಗಿ ಅಲಂಕರಿಸಿ ಹನುಮದ್ ವಾಹನ, ಗರುಡ ವಾಹನ, ಅನಂತ ಶೇಷ ವಾಹನ ಮತ್ತು ಕಲ್ಪ ವೃಕ್ಷ ವಾಹನಗಳ ಮೇಲೆ ಕುಳ್ಳಿರಿಸಿ, ಕೀರ್ತನೆಗಳ ನಡುವೆ ದೇವಾಲಯದ ಸುತ್ತ ಮೆರವಣಿಗೆ ನಡೆಯಿತು. ಮೆರವಣಿಗೆಯ ನಂತರ ನೃತ್ಯ, ನಾಟಕ ಮತ್ತು ಭಕ್ತಿ ಸಂಗೀತದ ಕಾರ್ಯಕ್ರಮಗಳೂ ನಡೆದವು. ಏಪ್ರಿಲ್ 12ರಂದು ತೆಪ್ಪೋತ್ಸವದೊಂದಿಗೆ ಹಬ್ಬಕ್ಕೆ ಅದ್ಭುತ ಸಮಾಪ್ತಿ ನಿಡಲಾಯಿತು. ಶ್ರೀ ರಾಧಾ ಕೃಷ್ಣಚಂದ್ರರನ್ನು ಸುಗಂಧಭರಿತ ಹೂಮಾಲೆಗಳಿಂದ ಅಲಂಕರಿಸಿದ ಪುಷ್ಪ ಪಲ್ಲಕಿಯಲ್ಲಿ ದೇವಾಲಯದ ಕಲ್ಯಾಣಿಗೆ ಕರೆತರಲಾಯಿತು. ಅಲ್ಲಿ ದೀಪಾಲಂಕಾರ ಮತ್ತು ಉತ್ಸಾಹಭರಿತ ಕೀರ್ತನೆಗಳ ಮಧ್ಯೆ ತೆಪ್ಪೋತ್ಸವದ ಸೇವೆ ಸಲ್ಲಿಸಲಾಯಿತು.

ಈ ಉತ್ಸವಕ್ಕೆ ಹೆಸರಾಂತ ಆಧ್ಯಾತ್ಮಿಕ ಗುರುಗಳು ಮತ್ತು ಗಣ್ಯರು ಆಗಮಿಸಿ ಮೆರಗು ನೀಡಿದರು. ಉಡುಪಿಯ ಶ್ರೀ ಪುತ್ತಿಗೆ ಮಠದ 30ನೇ ಪೀಠಾಧಿಪತಿ ಪರಮಪೂಜ್ಯ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಜಿ, ಶ್ರೀ ಕಾಣಿಯೂರು ಮಠದ 30ನೇ ಪೀಠಾಧಿಪತಿ ಪರಮಪೂಜ್ಯ ಶ್ರೀ ವಿದ್ಯಾವಲ್ಲಭ ತೀರ್ಥ ಸ್ವಾಮೀಜಿ, ವಿದ್ವಾನ್ ಶ್ರೀ ಬ್ರಹ್ಮಣ್ಯಾಚಾರ್ಯರು ಮತ್ತು ಬೆಂಗಳೂರಿನ ಪೂರ್ಣಪ್ರಜ್ಞ ವಿದ್ಯಾಪೀಠದ ಪ್ರಾಂಶುಪಾಲರಾದ ವಿದ್ವಾನ್ ಶ್ರೀ ಸತ್ಯನಾರಾಯಣಾಚಾರ್ಯರು ಉಪಸ್ಥಿತರಿದ್ದು ತಮ್ಮ ಪ್ರವಚನಗಳ ಮೂಲಕ ಭಕ್ತರಿಗೆ ಮಾರ್ಗದರ್ಶನ ನೀಡಿದರು.

ಇಸ್ಕಾನ್ ಬೆಂಗಳೂರಿನ ಅಧ್ಯಕ್ಷರಾದ ಶ್ರೀ ಮಧುಪಂಡಿತ ದಾಸ್ ಅವರು ಈ ಸಂದರ್ಭದಲ್ಲಿ ಮಾತನಾಡಿ, “ಶ್ರೀ ರಾಧಾ ಕೃಷ್ಣಚಂದ್ರರ 29ನೇ ಬ್ರಹ್ಮೋತ್ಸವವು ನಮ್ಮ ಮನಸ್ಸನ್ನು ಸಂತೋಷ ಮತ್ತು ಕೃತಜ್ಞತೆಯಿಂದ ತುಂಬಿಸಿದೆ. ಕಳೆದ 29 ವರ್ಷಗಳಿಂದ ಹರೇ ಕೃಷ್ಣ   ಗಿರಿಯಲ್ಲಿ ನಮ್ಮ ಸೇವೆಯನ್ನು ಸ್ವೀಕರಿಸುತ್ತಿರುವುದು ನಮ್ಮ ಅದೃಷ್ಟ. ಕುಟುಂಬಗಳು, ಮಕ್ಕಳು ಮತ್ತು ಯುವಕರು ಸೇರಿ ಲಕ್ಷಾಂತರ ಭಕ್ತರು ಒಟ್ಟಾಗಿ ಭಕ್ತಿಯಿಂದ ಭಾಗವಹಿಸಿದ್ದನ್ನು ನೋಡಿ ನಮಗೆ ತುಂಬಾ ಖುಷಿಯಾಗಿದೆ. ಬ್ರಹ್ಮೋತ್ಸವದಂತಹ ಹಬ್ಬಗಳು ಜನರನ್ನು ಒಟ್ಟಿಗೆ ಸೇರಿಸಿ ಶ್ರೀ ಕೃಷ್ಣನ ಸೇವೆಯ ಮೂಲಕ ಭಕ್ತಿಯ ನಂಟನ್ನು ಗಟ್ಟಿಗೊಳಿಸುತ್ತವೆ. ಶ್ರೀ ರಾಧಾ ಕೃಷ್ಣಚಂದ್ರರು ಎಲ್ಲರಿಗೂ ಒಳ್ಳೆಯ ಆರೋಗ್ಯ, ಶಾಂತಿ ಮತ್ತು ಭಕ್ತಿಯನ್ನು ದಯಪಾಲಿಸಲಿ ಎಂದು ಪ್ರಾರ್ಥಿಸುತ್ತೇವೆ” ಎಂದರು.

ಈ ಕಾರ್ಯಕ್ರಮವನ್ನು ಇಂದು ಸರ್ ಸಿ.ವಿ. ರಾಮನ್ ಜೆನೆರಲ್ ಆಸ್ಪತ್ರೆಯಲ್ಲಿ ಸನ್ಮಾನ್ಯ ಶ್ರೀ ದಿನೇಶ್ ಗುಂಡೂರಾವ್, ಅರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವರು ಉದ್ಘಾಟಿಸಿದರು. ಈ ಸಂದರ್ಭದಲ್ಲಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ಆಯುಕ್ತರಾದ ಶ್ರೀ ಎಸ್. ರಘು ಹಾಗೂ ಇತರ ಹಿರಿಯ ಅಧಿಕಾರಿಗಳು ಉಪಸ್ಥಿತರಿದ್ದರು. ಇದೇ ವೇಳೆ ಜಯನಗರ ಜೆನೆರಲ್ ಆಸ್ಪತ್ರೆಯಲ್ಲಿ ಜಯನಗರ ಕ್ಷೇತ್ರದ ಶಾಸಕರಾದ ಸನ್ಮಾನ್ಯ ಶ್ರೀ ಸಿ.ಕೆ. ರಾಮಮೂರ್ತಿ ಅವರು ಆಸ್ಪತ್ರೆಯ ಹಿರಿಯ ಅಧಿಕಾರಿಗಳೊಂದಿಗೆ ಕಾರ್ಯಕ್ರಮವನ್ನು ಪ್ರಾರಂಭಿಸಿದರು.

ಪೌಷ್ಠಿಕ ಆಹಾರ ವಿತರಣೆ ಕೆ.ಸಿ. ಜೆನೆರಲ್ ಆಸ್ಪತ್ರೆ (ಮಲ್ಲೇಶ್ವರಂ), ಸರ್ ಸಿ.ವಿ. ರಾಮನ್ ಜೆನೆರಲ್ ಆಸ್ಪತ್ರೆ ಮತ್ತು ಜಯನಗರ ಜೆನೆರಲ್ ಆಸ್ಪತ್ರೆಗಳಲ್ಲಿ ಪ್ರತಿದಿನ ಐದು ಬಾರಿ, ಒಳರೋಗಿಗಳಿಗೆ ನೀಡಲಾಗುತ್ತದೆ.
ಆಹಾರ ಯೋಜನೆಯ ಮುಖ್ಯಾಂಶಗಳು:
 ಪ್ರತಿ ದಿನ ಬೆಳಗಿನ ಉಪಹಾರ, ತಿಂಡಿ, ಮಧ್ಯಾಹ್ನದ ಊಟ, ಸಂಜೆ ತಿಂಡಿ ಮತ್ತು ರಾತ್ರಿ ಊಟ.
 ವಿಶೇಷ ಆಹಾರ ಯೋಜನೆಗಳು:
 ಸಾಮಾನ್ಯ ಆಹಾರ
 ಚಿಕಿತ್ಸಾ ಆಹಾರ
 ಗರ್ಭಿಣಿ ಮತ್ತು ಬಾಣಂತಿಯರ ಆಹಾರ
 ಮಧುಮೇಹಿ ರೋಗಿಗಳ ಆಹಾರ
 ಮಕ್ಕಳ ಆಹಾರ

ಮೆನು:  ರವೆ ಉಪ್ಮಾ, ಪೊಂಗಲ್, ಗೋಧಿ ಗಂಜಿ, ರಾಗಿಮುದ್ದೆ, ಚಪಾತಿ, ಅನ್ನ, ಸಾಂಬಾರ್, ಪಲ್ಯ, ಸೋಯಾ, ಹಾಲು,
ಹಣ್ಣುಗಳು, ಮೊಸರು, ಬಿಸ್ಕತ್ ಮತ್ತು ಚಿಕ್ಕಿ.

ಪೌಷ್ಠಿಕ ಮಾನದಂಡಗಳು:
 ಸಾಮಾನ್ಯ ರೋಗಿಗಳು – ಸುಮಾರು 2200 ಕ್ಯಾಲರಿ, 70 ಗ್ರಾಂ ಪ್ರೋಟೀನ್
 ತಾಯಂದಿರು – 1800–2460 ಕ್ಯಾಲರಿ, 60–69 ಗ್ರಾಂ ಪ್ರೋಟೀನ್
 ಮಕ್ಕಳು – 1300–1400 ಕ್ಯಾಲರಿ, 40 ಗ್ರಾಂ ಪ್ರೋಟೀನ್

ಉಧ್ಘಾಟಾನಾ ಕಾರ್ಯಕ್ರಮದಲ್ಲಿ ಮಾತನಾಡುತ್ತಾ, ಸನ್ಮಾನ್ಯ ಸಚಿವ ಶ್ರೀ ದಿನೇಶ್ ಗುಂಡೂರಾವ್ ಅವರು, “ಸರ್ಕಾರದ ಈ ಮುಂದಾಳತ್ವದಿಂದ ರೋಗಿಗಳ ಶೀಘ್ರ ಗುಣಮುಖತೆಗೆ ಮತ್ತು ಉತ್ತಮ ಆರೋಗ್ಯ ಫಲಿತಾಂಶಕ್ಕೆ ಅಗತ್ಯವಾದ ಪೌಷ್ಠಿಕತೆ ದೊರೆಯುತ್ತದೆ. ಇದು ರೋಗಿಯ ಆರೈಕೆ, ತಾಯಂದಿರ ಆರೋಗ್ಯ ಮತ್ತು ಮಕ್ಕಳ ಪೌಷ್ಠಿಕತೆಗೆ ಸರ್ಕಾರ ನೀಡುತ್ತಿರುವ ಬಧ್ಧತೆಯ ಪ್ರತೀಕವಾಗಿದೆ. ಇಸ್ಕಾನ್ ಬೆಂಗಳೂರು, ತಮ್ಮ ಅಕ್ಷಯಪಾತ್ರ ಯೋಜನೆಯ ಮೂಲಕ ಕಳೆದ 25 ವರ್ಷಗಳಿಂದಲೂ ಸರ್ಕಾರಿ ಶಾಲಾ ಮಕ್ಕಳಿಗೆ ಪೌಷ್ಠಿಕ ಆಹಾರ ವಿತರಿಸುವ ವಿಶಾಲ ಅನುಭವವನ್ನು ಹೊಂದಿದೆ.

ಅವರು ಸ್ವಚ್ಛ ವಾತಾವರಣದಲ್ಲಿ ಬೃಹತ್ ಪ್ರಮಾಣದಲ್ಲಿ ಆಹಾರವನ್ನು ತಯಾರಿಸಿ ವಿತರಿಸಲು ಪರಿಣತಿಯನ್ನು ಹೊಂದಿದ್ದು, ರೋಗಿಗಳ ಅಗತ್ಯಕ್ಕೆ ಅನುಗುಣವಾದ ಆಹಾರವನ್ನು ಪೂರೈಸಲು ಸಮರ್ಥರಾಗಿದ್ದಾರೆ. ಈ
ಆಸ್ಪತ್ರೆಗಳಲ್ಲಿ ದೊರೆಯುವ ಪ್ರತಿಕ್ರಿಯೆಗಳ ಆಧಾರದ ಮೇಲೆ, ಮುಂದಿನ ದಿನಗಳಲ್ಲಿ ಇಸ್ಕಾನ್ ಕೈಗೆತ್ತಿಕೊಳ್ಳಬಹುದಾದ ಇತರ ಜಿಲ್ಲಾ ಆಸ್ಪತ್ರೆಗಳಿಗೂ ಸರ್ಕಾರ ಈ ಸೌಲಭ್ಯವನ್ನು ವಿಸ್ತರಿಸುವ ವಿಚಾರ ಹೊಂದಿದೆ.” ಎಂದು ಹೇಳಿದರು.

ಪವಿತ್ರ ಏಕಾದಶಿಯ ತಿಥಿಯಂದು, 1008 ಭಕ್ತರು, ತಲಾ 108 ಮಾಲೆಗಳಷ್ಟು ಹರೇ ಕೃಷ್ಣ ಮಹಾ ಮಂತ್ರವನ್ನು ಜಪಿಸಿದರು. ಇಸ್ಕಾನ್ ಬೆಂಗಳೂರಿನ ಭಕ್ತವೃಂದದ ಈ ಸಾಮೂಹಿಕ ಪ್ರಾರ್ಥನೆಯು 18 ಕೋಟಿಗೂ ಹೆಚ್ಚು ಪವಿತ್ರ ನಾಮಗಳ ಜಪಕ್ಕೆ ಕಾರಣವಾಯಿತು — ಇದು ಇಂದಿನ ವಿಶ್ವಯುದ್ಧದ ಪರಿಸ್ಥಿತಿಯಲ್ಲಿರುವ ಜಗತ್ತಿಗೆ ಶಾಂತಿ, ಸಾಮರಸ್ಯ ಮತ್ತು ಭಕ್ತಿಯ ಸಂದೇಶವನ್ನೇ ನೀಡಿದ ಮಹಾಯಜ್ಞವಾಯಿತು.

ಈ ಅಖಂಡ ಮಹಾ ಜಪಾಯಜ್ಞವು ಇಸ್ಕಾನ್ ಬೆಂಗಳೂರು ಸಂಸ್ಥೆಯ ಅಧ್ಯಕ್ಷರಾದ ಶ್ರೀ ಮಧು ಪಂಡಿತ ದಾಸರ ನೇತೃತ್ವದಲ್ಲಿ ನೆರವೇರಿತು. ಈ ಕಾರ್ಯಕ್ರಮವು ಹಲವು ಶತಮಾನಗಳಷ್ಟು ಹಳೆಯ ಮಂತ್ರ ಜಪದ ಆಧ್ಯಾತ್ಮಿಕ ಪರಂಪರೆಯನ್ನು ಪುನರುಜ್ಜೀವನಗೊಳಿಸುವ ಪ್ರಯತ್ನವಾಗಿತ್ತು. ಇಸ್ಕಾನ್ ವೈಕುಂಠ ಗಿರಿಯ ಪ್ರಶಾಂತ ಪರಿಸರದಲ್ಲಿ, ಭಕ್ತರು ನಿರಂತರವಾಗಿ 12 ಗಂಟೆಗಳ ಕಾಲ ಹರೇ ಕೃಷ್ಣ ಮಂತ್ರಜಪದಲ್ಲಿ ನಿರತರಾಗಿದ್ದು, ಅಲ್ಲಿ ಆಧ್ಯಾತ್ಮಿಕ ಚೈತನ್ಯಯುತ ವಾತಾವರಣವು ಮೂಡಿತು.

“ಇದು ಕೇವಲ ಧಾರ್ಮಿಕ ಕಾರ್ಯಕ್ರಮವಲ್ಲ, ಆತ್ಮೋದ್ಧಾರಕ ಕಾರ್ಯಕ್ರಮ,” ಎಂದು ಶ್ರೀ ಮಧು ಪಂಡಿತ ದಾಸರು ಹೇಳಿದರು. “ವಿಶ್ವದೆಲ್ಲೆಡೆ ಸಂಘರ್ಷ ಮತ್ತು ಆತಂಕ ಹಾಗೂ ಆಶಂತೆಯ ವಾತಾವರಣ ನೆಲೆಸಿರುವ ಪರಿಸ್ಥಿತಿಯಲ್ಲಿ, ಈ ಅಖಂಡ ಜಪಯಜ್ಞವು ಶಾಂತಿ ಮತ್ತು ಏಕತೆಯ ಶಕ್ತಿಯ ಕಿರಣವಾಯಿತು.

ಇಸ್ಕಾನ್ ವೈಕುಂಠ ಗಿರಿಯಲ್ಲಿ ನೆರಡಿದ್ದ 1008 ಭಕ್ತರು ಏಕಾದಶಿಯ ಉಪವಾಸದೊಂದಿಗೆ, ಸಂಪೂರ್ಣ ಶ್ರದ್ಧಾನಿಷ್ಟೆಗಳೊಂದಿಗೆ ಹರೇ ಕೃಷ್ಣ ಮಂತ್ರಜಪವನ್ನು ನಡೆಸಿದರು. ಇದರಿಂದ ಭಕ್ತರೆಲ್ಲರ ವೈಯಕ್ತಿಕ ಶಾಂತಿ ಹಾಗೂ ವಿಶ್ವಶಾಂತಿ ಮತ್ತು ಹಿತಕ್ಕೆ ಮಾಡಿದ ಸಮಾರ್ಪನೆಯಾಯಿತು.

• ಶ್ರೀಲ ಪ್ರಭುಪಾದರನ್ನು ಅವರ ಮಹಾ ಸಮಾಧಿಯ ನಂತರ ಇಸ್ಕಾನ್‌ನ ಆಚಾರ್ಯರನ್ನಾಗಿ ಸ್ಥಾಪಿಸಲು ಇಸ್ಕಾನ್-ಬೆಂಗಳೂರು ಭಕ್ತರ ಇಪ್ಪತ್ತೈದು ವರ್ಷಗಳ ಹೋರಾಟ, ಸುಪ್ರೀಂ ಕೋರ್ಟ್ ತೀರ್ಪಿನೊಂದಿಗೆ ಯಶಸ್ವಿಯಾಗಿದೆ

• ಸುಪ್ರೀಂ ಕೋರ್ಟ್ ತೀರ್ಪು ಇಸ್ಕಾನ್-ಬೆಂಗಳೂರು ತನ್ನ ನಿಲುವನ್ನು ದೃಢೀಕರಿಸಲು ದಾರಿ ಮಾಡಿಕೊಡುತ್ತದೆ: ಶ್ರೀಲ ಪ್ರಭುಪಾದರು ಇಸ್ಕಾನ್‌ನ ಏಕೈಕ ಆಚಾರ್ಯರು

• ಇಸ್ಕಾನ್ ಹರೇ ಕೃಷ್ಣ ಗಿರಿಯ ದೇವಸ್ಥಾನವು ಇಸ್ಕಾನ್-ಬೆಂಗಳೂರು ಸಂಸ್ಥೆಗೆ ಸೇರಿದ್ದು ಮತ್ತು ಇಸ್ಕಾನ್-ಮುಂಬೈ ಸಂಸ್ಥೆಗೆ ಸೇರಿಲ್ಲ: ಸುಪ್ರೀಂ ಕೋರ್ಟ್

ಬೆಂಗಳೂರಿನ ಪ್ರಸಿದ್ಧ ಇಸ್ಕಾನ್ ಹರೇ ಕೃಷ್ಣ ಗಿರಿಯ ದೇವಸ್ಥಾನವು ಇಸ್ಕಾನ್-ಬೆಂಗಳೂರು ಸಂಸ್ಥೆಗೆ  ಸೇರಿದ್ದು, ಇಸ್ಕಾನ್-ಮುಂಬೈ ಸಂಸ್ಥೆಗೆ ಸೇರಿಲ್ಲ ಎಂದು ಸುಪ್ರೀಂ ಕೋರ್ಟ್ ತೀರ್ಪು ನೀಡಿದೆ. ಇಸ್ಕಾನ್-ಬೆಂಗಳೂರು ಸಂಸ್ಥೆಯ  ವ್ಯವಹಾರಗಳಲ್ಲಿ ಇಸ್ಕಾನ್-ಮುಂಬೈ ಸಂಸ್ಥೆಯು  ಹಸ್ತಕ್ಷೇಪ ಮಾಡದಂತೆ  ಸುಪ್ರೀಂ ಕೋರ್ಟ್ ನಿಷೇಧಿಸಿದೆ.

ಸಾರಾಂಶ:

ಇಸ್ಕಾನ್-ಬೆಂಗಳೂರು ಮತ್ತು ಇಸ್ಕಾನ್-ಮುಂಬೈ ನಡುವಿನ ದೀರ್ಘಕಾಲದ ವಿವಾದವು 1977 ರಲ್ಲಿ ಶ್ರೀಲ ಪ್ರಭುಪಾದರು ಮಹಾ ಸಮಾಧಿ ಪಡೆದ ನಂತರ ಪ್ರಾರಂಭವಾಯಿತು, ಕೆಲವು ಇಸ್ಕಾನ್ ನಾಯಕರು ಋತ್ವಿಕ್ ದೀಕ್ಷಾ ವ್ಯವಸ್ಥೆಯನ್ನು ಸ್ಥಾಪಿಸುವ ಅವರ ನಿರ್ದೇಶನಕ್ಕೆ ವಿರುದ್ಧವಾಗಿ ಅವರ ಉತ್ತರಾಧಿಕಾರಿಗಳೆಂದು ಹೇಳಿಕೊಂಡರು. ಮಧು ಪಂಡಿತ್ ದಾಸ ನೇತೃತ್ವದ ಇಸ್ಕಾನ್-ಬೆಂಗಳೂರು, ಶ್ರೀಲ ಪ್ರಭುಪಾದರನ್ನು ಏಕೈಕ ಆಚಾರ್ಯರೆಂದು ಎತ್ತಿಹಿಡಿದು ಸ್ವಯಂಘೋಷಿತ ಗುರುಗಳ ವಿಧಾನವನ್ನು ವಿರೋಧಿಸಿತು. 1988 ರಲ್ಲಿ ಇಸ್ಕಾನ್-ಬೆಂಗಳೂರು ಸಂಸ್ಥೆಗೆ ಭೂಮಿಯನ್ನು BDA ಮೂಲಕ ಮಂಜೂರು ಮಾಡಲಾಗಿದ್ದರೂ, 2000 ರಲ್ಲಿ, ಇಸ್ಕಾನ್-ಮುಂಬೈ ಸಂಸ್ಥೆಯು ಬೆಂಗಳೂರು ದೇವಾಲಯದ ನಿಯಂತ್ರಣವನ್ನು ತೆಗೆದುಕೊಳ್ಳಲು ಪ್ರಯತ್ನಿಸಿತು. ಇದು 25 ವರ್ಷಗಳ ಕಾನೂನು ಹೋರಾಟಕ್ಕೆ ನಾಂದಿ ಹಾಡಿತು, ಈಗ ಸುಪ್ರೀಂ ಕೋರ್ಟ್ ಇಸ್ಕಾನ್-ಬೆಂಗಳೂರು ಸಂಸ್ಥೆಯ ಪರವಾಗಿ ತೀರ್ಪು ನೀಡುವ ಮೂಲಕ ಈ ಸಂಘರ್ಷವನ್ನು ಮುಕ್ತಾಯಗೊಳಿಸಿದೆ.

ಈ ಬಗ್ಗೆ ಇಸ್ಕಾನ್ ಬೆಂಗಳೂರಿನ ಅಧ್ಯಕ್ಷರು, ಅಕ್ಷಯ ಪಾತ್ರ ಪ್ರತಿಷ್ಠಾನದ ಸ್ಥಾಪಕ ಮತ್ತು ಅಧ್ಯಕ್ಷರು, ಜಾಗತಿಕ ಹರೇ ಕೃಷ್ಣ ಆಂದೋಲನದ ಅಧ್ಯಕ್ಷರು ಮತ್ತು ಮಾರ್ಗದರ್ಶಕರಾದ ಶ್ರೀ ಮಧು ಪಂಡಿತ ದಾಸರು ಹೀಗೆ ಹೇಳಿದರು:

“ಈ ಆಂತರಿಕ ಇಸ್ಕಾನ್ ಹೋರಾಟವು ಇಸ್ಕಾನ್‌ನ ಸಂಸ್ಥಾಪಕ ಆಚಾರ್ಯ ಶ್ರೀಲ ಪ್ರಭುಪಾದರ ಉತ್ತರಾಧಿಕಾರಿಗಳೆಂದು ಹೇಳಿಕೊಂಡ ಸ್ವಯಂ ಘೋಷಿತ ಗುರುಗಳ ವಿರುದ್ಧವಾಗಿತ್ತು, ಶ್ರೀಲ ಪ್ರಭುಪಾದರು ಅವರ ಮಹಾ ಸಮಾಧಿಗೆ ಮುಂಚಿತವಾಗಿ ಅವರಿಗೆ ಅಧಿಕಾರ ನೀಡಲಿಲ್ಲ. ಬದಲಾಗಿ ಅವರು ಋತ್ವಿಕ್ ವ್ಯವಸ್ಥೆಯನ್ನು ಸ್ಥಾಪಿಸಿದರು, ಇದರಿಂದಾಗಿ ಇಸ್ಕಾನ್‌ನಲ್ಲಿರುವ ಎಲ್ಲಾ ಭಕ್ತರು ಎಲ್ಲಾ ಸಮಯದಲ್ಲೂ ಸಂಸ್ಥಾಪಕ ಆಚಾರ್ಯ ಶ್ರೀಲ ಪ್ರಭುಪಾದರ ನೇರ ಶಿಷ್ಯರಾಗಿರುತ್ತಾರೆ.  ಆದಾಗ್ಯೂ, 2000 ರಲ್ಲಿ ಸಯಂಘೋಷಿತ ಗುರುಗಳ ಸಂಸ್ಥೆಯಾದ ಇಸ್ಕಾನ್ ಮುಂಬೈ  ಬೆಂಗಳೂರು ದೇವಸ್ಥಾನದ ಆಸ್ತಿಯು ಅವರ  ಸಂಸ್ಥೆಯ ನಿಯಂತ್ರಣದಲ್ಲಿ ಶಾಖೆಯಾಗಿ ನಿರ್ವಹಿಸಬೇಕು ಎಂಬ ನಿಲುವಾಗಿಸಿಕೊಂಡು ಇಸ್ಕಾನ್ ಬೆಂಗಳೂರಿನ ಭಕ್ತರನ್ನು ಇಸ್ಕಾನ್‌ ಸಂಸ್ಥೆಯಿಂದ ಹೊರಹಾಕಲು ಪ್ರಯತ್ನಿಸಿದರು. ಆಗ ಇಸ್ಕಾನ್ ಬೆಂಗಳೂರು ಸಂಸ್ಥೆಯು ನ್ಯಾಯಾಲಯದ ಮೊರೆ ಹೋಗಿದ್ದರಿಂದ ಇದು ನ್ಯಾಯಾಂಗದ ಹೋರಾಟವಾಗಿ ಮಾರ್ಪಟ್ಟಿತು.

“ಇಂದು ಸುಪ್ರೀಂ ಕೋರ್ಟ್ ತನ್ನ ತೀರ್ಪಿನ ಮೂಲಕ 25 ವರ್ಷಗಳ ನ್ಯಾಯಾಲಯದ ಹೋರಾಟವನ್ನು ಕೊನೆಗೊಳಿಸಿದೆ, ಬಿಡಿಎ 1988 ರಲ್ಲಿ ಬೆಂಗಳೂರಿನಲ್ಲಿ ನೋಂದಾಯಿಸಲಾದ ಸ್ವತಂತ್ರ ಇಸ್ಕಾನ್ ಸೊಸೈಟಿಯಾದ ಇಸ್ಕಾನ್ ಬೆಂಗಳೂರು ಸೊಸೈಟಿಗೆ ದೇವಾಲಯದ ಭೂಮಿಯನ್ನು ಮಂಜೂರು ಮಾಡಿತ್ತು ಮತ್ತು ದೇವಾಲಯವನ್ನು ನಿರ್ಮಿಸಲು ಆಸ್ತಿ ಮತ್ತು ಹಣವನ್ನು ಬೆಂಗಳೂರಿನಲ್ಲಿ ಸಂಗ್ರಹಿಸಲಾಗಿತ್ತು. ಮೂಲಭೂತವಾಗಿ, ಇಸ್ಕಾನ್ ಮುಂಬೈ ಇಸ್ಕಾನ್ ಬೆಂಗಳೂರಿನ ನಿರ್ವಹಣೆಯಲ್ಲಿ ಹಸ್ತಕ್ಷೇಪ ಮಾಡದಂತೆ ನಿಷೇದಾಜ್ಞೆ ನೀಡಿದೆ. ಈ ತೀರ್ಪಿನ ನಂತರ ಶ್ರೀಲ ಪ್ರಭುಪಾದರನ್ನು ಮಾತ್ರ ಇಸ್ಕಾನ್‌ನ ಏಕೈಕ ಆಚಾರ್ಯರಾಗಿ ಸ್ವೀಕರಿಸಲು ಬಯಸುವ ಸಾವಿರಾರು ಭಕ್ತರನ್ನು ಇನ್ನು ಮುಂದೆ ಇಸ್ಕಾನ್‌ನಿಂದ ಹೊರಹಾಕಲು ಸಾಧ್ಯವಿಲ್ಲ.”

ಇಸ್ಕಾನ್-ಬೆಂಗಳೂರು ಸಂಸ್ಥೆ  ಮತ್ತು ಇಸ್ಕಾನ್-ಮುಂಬೈ ಸಂಸ್ಥೆಯ  ನಡುವಿನ ಈ ವಿವಾದದ ಹಿನ್ನೆಲೆ.

1977 ರಲ್ಲಿ, ಶ್ರೀಲ ಪ್ರಭುಪಾದರು (ಇಸ್ಕಾನ್‌ನ ಸ್ಥಾಪಕ – ಆಚಾರ್ಯರು) ಮಹಾ ಸಮಾಧಿ ಹೊಂದುವ ಸ್ವಲ್ಪ ಮೊದಲು, ಅವರು ಭವಿಷ್ಯದಲ್ಲಿ ಋತ್ವಿಕ್‌ಗಳು ಎಂಬ ತಮ್ಮ ಪ್ರತಿನಿಧಿಗಳ ಮೂಲಕ ದೀಕ್ಷೆ (ದೀಕ್ಷೆ) ವ್ಯವಸ್ಥೆಯನ್ನು ಸ್ಥಾಪಿಸಿದ್ದರು. ಈ ವ್ಯವಸ್ಥೆಯ ಪ್ರಕಾರ, ಭವಿಷ್ಯದಲ್ಲಿ ದೀಕ್ಷೆ ಪಡೆದ ಎಲ್ಲಾ ಭಕ್ತರು ಶ್ರೀಲ ಪ್ರಭುಪಾದರ ನೇರ ಶಿಷ್ಯರಾಗುತ್ತಾರೆ ಮತ್ತು ಅವರು ಇಸ್ಕಾನ್‌ನ ಆಚಾರ್ಯರಾಗಿ ಉಳಿಯುತ್ತಾರೆ.

ಆದರೆ ಅವರ ಮಹಾ ಸಮಾಧಿಯ ನಂತರ, ನಾಯಕತ್ವದ ಸ್ಥಾನಗಳಲ್ಲಿದ್ದ ಅವರ ಮಹತ್ವಾಕಾಂಕ್ಷೆಯ ಶಿಷ್ಯರು (ಹೆಚ್ಚಾಗಿ ಪಾಶ್ಚಿಮಾತ್ಯರು) ಶ್ರೀಲ ಪ್ರಭುಪಾದರ ಲಿಖಿತ ನಿರ್ದೇಶನಗಳನ್ನು ಪಾಲಿಸಲಿಲ್ಲ ಮತ್ತು ತಮ್ಮನ್ನು ಇಸ್ಕಾನ್‌ನ ಉತ್ತರಾಧಿಕಾರಿ ಆಚಾರ್ಯರು ಎಂದು ಹೇಳಿಕೊಂಡರು ಮತ್ತು ದೀಕ್ಷೆ ನೀಡಲು ಪ್ರಾರಂಭಿಸಿದರು. ಈ ಸ್ವಯಂ ಘೋಷಿತ ಆಚಾರ್ಯರು ಉನ್ನತ ಅಲಂಕಾರಿಕ ಸ್ಥಾನಗಳನ್ನು ಸ್ವೀಕರಿಸಿದರು, ಗೌರವಾನ್ವಿತ ಬಿರುದುಗಳನ್ನು ಪಡೆದರು, ಅವರ ಬಗ್ಗೆ ಹಾಡಲು ಹಾಡುಗಳನ್ನು ರಚಿಸಿದರು, ಐಷಾರಾಮಿ ಜೀವನಶೈಲಿಯನ್ನು ನಡೆಸಿದರು – ಇವೆಲ್ಲವೂ ಶ್ರೀಲ ಪ್ರಭುಪಾದರು ನಡೆಸುತ್ತಿದ್ದ ಮತ್ತು ಕಲಿಸಿದ ಸರಳ ಜೀವನಕ್ಕೆ ವಿರುದ್ಧವಾಗಿತ್ತು.

ಪ್ರಪಂಚದಾದ್ಯಂತದ ಇಸ್ಕಾನ್ ಭಕ್ತರು ಈ ಸ್ವಯಂ ಘೋಷಿತ ಮತ್ತು ಸ್ವಯಂ ನಾಮನಿರ್ದೇಶಿತ ಆಚಾರ್ಯ ವ್ಯವಸ್ಥೆಯನ್ನು ವಿರೋಧಿಸಿದಾಗ, ಅವರನ್ನು ಕಿರುಕುಳ, ಹಿಂಸೆ, ಬೆದರಿಕೆ ನೀಡುವದೇ ಅಲ್ಲದೆ, ಇಸ್ಕಾನ್ ದೇವಾಲಯಗಳಿಂದ ಅವರನ್ನು ಹೊರಹಾಕಲಾಯಿತು ಮತ್ತು ಅವರ ಈ ಅನ್ಯಾಯವನ್ನು ವಿರೋಧಿಸಿದ ಒಬ್ಬ ಭಕ್ತರನ್ನು ಕೊಲೆಯು ಕೂಡ ಮಾಡಲಾಗಿತ್ತು. (ಸುಲೋಚನ ದಾಸ್, 1984).

1999 ರಲ್ಲಿ, ಶ್ರೀ ಮಧು ಪಂಡಿತ್ ದಾಸ ನೇತೃತ್ವದ ಇಸ್ಕಾನ್-ಬೆಂಗಳೂರಿನ ಭಕ್ತರು ಈ ಸ್ವಯಂ ಘೋಷಿತ ಮತ್ತು ಸ್ವಯಂ ನಾಮನಿರ್ದೇಶಿತ ಆಚಾರ್ಯ ವ್ಯವಸ್ಥೆಯನ್ನು ಅನುಸರಿಸಲು ನಿರಾಕರಿಸಿದಾಗ, ನಾವು ಕೂಡ ಇಸ್ಕಾನ್-ಮುಂಬೈ ಸಂಸ್ಥೆಯ  ಮೂಲಕ ಇಸ್ಕಾನ್ ಅಂತರರಾಷ್ಟ್ರೀಯ ನಾಯಕತ್ವದಿಂದ ಅಂತಹ ವಿರೋಧ ಮತ್ತು ಕಿರುಕುಳವನ್ನು ಎದುರಿಸಿದ್ದೇವೆ. ಇಸ್ಕಾನ್-ಮುಂಬೈ ಬೆಂಗಳೂರಿನ ಹರೇ ಕೃಷ್ಣ ಗಿರಿಯ ದೇವಾಲಯವನ್ನು ಬಲವಂತವಾಗಿ ವಶಪಡಿಸಿಕೊಳ್ಳಲು ಪ್ರಯತ್ನಿಸಿತು. ಆ ಸಮಯದಲ್ಲಿ, ಇಸ್ಕಾನ್-ಬೆಂಗಳೂರಿನ ಭಕ್ತರು 1988 ರಲ್ಲಿ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ) ರಾಜಾಜಿನಗರದಲ್ಲಿರುವ ಭೂಮಿಯನ್ನು ಇಸ್ಕಾನ್-ಬೆಂಗಳೂರು ಸಂಸ್ಥೆಗೆ ಮಂಜೂರು ಮಾಡಿದ್ದರಿಂದ ತಮ್ಮ ಹಕ್ಕನ್ನು ಪ್ರತಿಪಾದಿಸಿದರು. ಇದು ನ್ಯಾಯಾಲಯದ ಹೋರಾಟಕ್ಕೆ ಕಾರಣವಾಯಿತು, ಇದು ಶ್ರೀಲ ಪ್ರಭುಪಾದರ ಇಸ್ಕಾನ್ ಸಂಸ್ಥೆಯಲ್ಲಿ ಅವರ ಆದೇಶದ ಸತ್ಯವನ್ನು ಸ್ಥಾಪಿಸಲು 25 ವರ್ಷಗಳ ಹೋರಾಟವನ್ನು ತೆಗೆದುಕೊಂಡಿತು. ಇಂದಿನ ಸುಪ್ರೀಂ ಕೋರ್ಟ್ ಆದೇಶವು ಇಸ್ಕಾನ್-ಬೆಂಗಳೂರಿನ ಪರವಾಗಿ ಪ್ರಕರಣವನ್ನು ಇತ್ಯರ್ಥಪಡಿಸಿದೆ. ಈ ತೀರ್ಪಿನೊಂದಿಗೆ, ಪ್ರಪಂಚದಾದ್ಯಂತದ ಸಾವಿರಾರು ಭಕ್ತರು ಶ್ರೀಲ ಪ್ರಭುಪಾದರನ್ನು ಇಸ್ಕಾನ್‌ನಲ್ಲಿ ಆಚಾರ್ಯರಾಗಿ ಶಾಂತಿಯುತವಾಗಿ ಸ್ವೀಕರಿಸಬಹುದು ಮತ್ತು ಕಿರುಕುಳದ ಭಯವಿಲ್ಲದೆ ತಮ್ಮ ನಂಬಿಕೆಯನ್ನು ಪಾಲಿಸಬಹುದು.

ಕಳೆದ 25 ವರ್ಷಗಳಲ್ಲಿ, ಇಸ್ಕಾನ್-ಬೆಂಗಳೂರು ಗುಂಪಿನ ಭಕ್ತರು ಭಾರತದಲ್ಲಿ 25 ದೇವಾಲಯಗಳಿಗೆ, ವಿದೇಶದಲ್ಲಿ 8 ದೇವಾಲಯಗಳಿಗೆ, 1000 ಕ್ಕೂ ಹೆಚ್ಚು ಪೂರ್ಣಾವಧಿ ಭಕ್ತರನ್ನು ಮತ್ತು 10,000 ಕ್ಕೂ ಹೆಚ್ಚು ತಮ್ಮ ಮನೆಗಳಿಂದ ಭಕ್ತಿಯಲ್ಲಿ ತೊಡಗಿರುವ ಭಕ್ತರನ್ನು ಮಾಡಿದ್ದಾರೆ. ದೇಶದ 17 ರಾಜ್ಯಗಳಲ್ಲಿ ಪ್ರತಿದಿನ 23 ಲಕ್ಷ ಮಕ್ಕಳಿಗೆ ಸೇವೆ ಸಲ್ಲಿಸುವ ಅಕ್ಷಯ ಪಾತ್ರ ಫೌಂಡೇಶನ್ ಕೂಡ ಇಸ್ಕಾನ್-ಬೆಂಗಳೂರು ದೇವಾಲಯದಿಂದಲೇ  ಪ್ರಾರಂಭವಾಯಿತು.

ಪರಮಾತ್ಮನಾದ ಶ್ರೀಕೃಷ್ಣನು ಇಂದ್ರನ ಪೂಜೆಯನ್ನು ಬಿಟ್ಟು ಗೋವರ್ಧನ ಬೆಟ್ಟವನ್ನು ಪೂಜಿಸುವಂತೆ ಸೂಚಿಸಿದನು. ಇದನ್ನು ತಿಳಿದ ಇಂದ್ರನು ಕೋಪಗೊಂಡು ವೃಂದಾವನದ ಮೇಲೆ ವಿನಾಶಕಾರಿ ಮಳೆಯನ್ನು ಸುರಿಸಲಾರಂಭಿಸಿದನು. ಆಗ ಕೃಷ್ಣನು ತನ್ನ ಕಿರುಬೆರಳಿನಿಂದ ಗೋವರ್ಧನ ಬೆಟ್ಟವನ್ನು ಎತ್ತಿಕೊಂಡನು ಮತ್ತು ಅದು ವೃಂದಾವನದ ಎಲ್ಲಾ ನಿವಾಸಿಗಳಿಗೆ ಆಶ್ರಯವನ್ನು ನೀಡಿತು. ನಂತರ ಇಂದ್ರನಿಗೆ ತನ್ನ ಅಪರಾಧದ ಅರಿವಾಗಿ ಕೃಷ್ಣನಲ್ಲಿ ಕ್ಷಮೆಯಾಚಿಸಿದನು. ಹೀಗೆ ಪರಮಾತ್ಮನಿಗೆ ಶರಣಾದ ಮತ್ತು ಭಕ್ತಿ ಸೇವೆಯಲ್ಲಿ ತೊಡಗಿರುವ ಭಕ್ತನು ಎಲ್ಲಾ ಬಾಧ್ಯತೆಗಳಿಂದ ಮುಕ್ತನಾಗಿರುತ್ತಾನೆ ಮತ್ತು ಭೌತಿಕ ಅನುಗ್ರಹಕ್ಕಾಗಿ ಯಾವುದೇ ದೇವತೆಗಳನ್ನು ಆರಾಧಿಸಬೇಕಾಗಿಲ್ಲ ಎಂದು ಪರಮಾತ್ಮನು ತನ್ನ ಈ ಲೀಲೆಯ ಮೂಲಕ ತಿಳಿಸಿದನು. ಈ ಘಟನೆಯನ್ನು ಗೋವರ್ಧನ ಲೀಲೆ ಎಂದು ಕರೆಯಲಾಗುತ್ತದೆ

ಕೃಷ್ಣನ ಸೂಚನೆಯಂತೆ ಮತ್ತು ವೃಂದಾವನದ ನಿವಾಸಿಗಳನ್ನು ಅನುಸರಿಸಿ, ಈ ಹಬ್ಬವನ್ನು ಪ್ರತಿ ವರ್ಷ ಕಾರ್ತಿಕ ಮಾಸದಲ್ಲಿ ಆಚರಿಸಲಾಗುತ್ತದೆ. ಭಕ್ತರು ಧಾನ್ಯ ಮತ್ತು ತುಪ್ಪದಿಂದ ಮತ್ತು ಹಾಗೂ ಎಲ್ಲ ರೀತಿಯ ಹಾಲಿನ ತಿನಿಸುಗಳಿಂದ ಆಹಾರವನ್ನು ಚಿಕ್ಕ ಬೆಟ್ಟದಂತೆ ಜೋಡಿಸಿ ಭಗವಂತನಿಗೆ ಅರ್ಪಿಸುತ್ತಾರೆ. ನಂತರ ಅದನ್ನು ಎಲ್ಲರಿಗೂ ಪ್ರಸಾದವಾಗಿ ಹಂಚಲಾಗುತ್ತದೆ. ಹಾಗಾಗಿ ಈ ಹಬ್ಬವನ್ನು ಅನ್ನಕೂಟ ಹಬ್ಬ ಎಂದೂ ಕರೆಯುತ್ತಾರೆ. ಗೋವರ್ಧನ ಪೂಜೆಯ ದಿನವು ಭಕ್ತರು ಗೋವುಗಳನ್ನು ಪೂಜಿಸುತ್ತಾರೆ. ಕೃಷ್ಣನನ್ನು ಗೋಪಾಲ ಎಂದು ಕರೆಯಲಾಗುತ್ತದೆ. ಗೋಪಾಲ ಎಂದರೆ ಗೋವುಗಳ ರಕ್ಷಕ. ಹಸುಗಳನ್ನು ಅಲಂಕರಿಸಿ, ಉತ್ತಮ ಮೇವುಗಳಿಂದ ಸೇವಿಸಿ, ಗೋವುಗಳನ್ನು ಮುಂದಿಟ್ಟುಕೊಂಡು ಭಕ್ತರು ಗೋವರ್ಧನ ಬೆಟ್ಟಕ್ಕೆ ಪ್ರದಕ್ಷಿಣೆ ಹಾಕುತ್ತಾರೆ.

ಶ್ರೀ ಕೃಷ್ಣ ತನ್ನ ಎಡಗೈಯ ಕಿರುಬೆರಳಿನಲ್ಲಿ ಗೋವರ್ಧನ ಬೆಟ್ಟವನ್ನು ಹಿಡಿದಂತೆ ಕೃಷ್ಣ ಬಲರಾಮರನ್ನು ಗಿರಿಧಾರಿ ಅಲಂಕಾರದಲ್ಲಿ ಅಲಂಕರಿಸಲಾಗುತ್ತದೆ. ಇಸ್ಕಾನ್ ಬೆಂಗಳೂರಿನ ಭಕ್ತರು ಗೋವರ್ಧನ ಬೆಟ್ಟದ ಪ್ರತಿಕೃತಿಯನ್ನು 1000 ಕೆಜಿ ತೂಕದ ಸಸ್ಯಾಹಾರಿ ಕೇಕ್ಅನ್ನು ದೇವಸ್ಥಾನದ ಸ್ವಂತ ಬೇಕರಿಯಲ್ಲಿ ತಯಾರಿಸಲಾಗಿದೆ. ಗೋವರ್ಧನ ಕೇಕ್ ಅನ್ನು ಶ್ರೀ ಕೃಷ್ಣ ಬಲರಾಮ ದೇವರಿಗೆ ಅರ್ಪಿಸಲಾಗುತ್ತದೆ ಮತ್ತು ನಂತರ ಎಲ್ಲಾ ಭಕ್ತರಿಗೆ ವಿತರಿಸಲಾಗುತ್ತದೆ. ಗೋವುಗಳನ್ನು ಚೆನ್ನಾಗಿ ಅಲಂಕರಿಸಿ ಪೂಜೆ ಸಲ್ಲಿಸಲಾಗುತ್ತದೆ. ಗೋವುಗಳ ರಕ್ಷಕ ಗೋಪಾಲನಿಗೆ ಆರತಿ ಮಾಡಲಾಗುತ್ತದೆ. ಭಕ್ತರು ಯಶೋಮತಿ ನಂದನದಂತಹ ವಿವಿಧ ಹಾಡುಗಳನ್ನು ಹಾಡುತ್ತಾರೆ. ಭಕ್ತರು ಶ್ರೀ ಗೋವರ್ಧನಾಷ್ಟಕಂ – ಗೋವರ್ಧನ ಬೆಟ್ಟವನ್ನು ವೈಭವೀಕರಿಸುವ ಎಂಟು ಪದ್ಯಗಳನ್ನು ಹಾಡುವಾಗ ಕೃಷ್ಣ ಬಲರಾಮನಿಗೆ ಭವ್ಯವಾದ ಆರತಿಯನ್ನು ಮಾಡಲಾಗುತ್ತದೆ. ದೀಪೋತ್ಸವದ ಆಚರೆಣೆ ಮೂಲಕ ಸಮಾಪ್ತಿಗೊಂಡಿತು.