ಕಾರ್ಪೋರೇಟ್‌ ಸಂಸ್ಥೆಗಳು ಹಸಿರು ಇಂಧನ ಆರ್ಥಿಕತೆಗೆ ಪರಿವರ್ತನೆಗೊಳ್ಳಲು ಬ್ರೂಕ್‌ಫೀಲ್ಡ್‌ ಬೆಂಬಲಿತ ಕ್ಲೀನ್‌ಮ್ಯಾಕ್ಸ್‌ ಮತ್ತು ಜಪಾನ್‌ ಮೂಲಕ ಒಸಾಕಾ ಗ್ಯಾಸ್‌ ಗ್ರೂಪ್‌ ಜಂಟಿ ಉದ್ಯಮ ನೆರವಾಗಲಿದೆ. ಈ ಜಂಟಿ ಉದ್ಯಮವನ್ನು ‘ ಕ್ಲೀನ್‌ ಮ್ಯಾಕ್ಸ್‌ ಒಸಾಕಾ ಗ್ಯಾಸ್‌ ರಿನಿವೆಬಲ್‌ ಎನರ್ಜಿ ಪ್ರೈವೇಟ್‌ ಲಿಮಿಟೆಡ್‌’ ಎಂದು ಕರೆಯಲಾಗಿದೆ.

ಈ ಪಾಲುದಾರಿಕೆ ಸುಸ್ಥಿರ ಇಂಧನ ಅಭಿವೃದ್ಧಿ ಮೂಲಕ ಭಾರತದ ಗ್ರೀನ್ ಎನರ್ಜಿ ಉದ್ದೇಶವನ್ನುಈಡೇರಿಸುವಲ್ಲಿ ಕೈಜೋಡಿಸಲಿದೆ. ಈ ಪಾಲುದಾರಿಕೆ ಮೂಲಕ ಒಸಾಕಾ ಗ್ಯಾಸ್‌ ಗ್ರೂಪ್‌ ಮೊದಲ ಬಾರಿಗೆ ಭಾರತದ ಹಸಿರು ಇಂಧನ ಮಾರುಕಟ್ಟೆ ಪ್ರವೇಶಿಸಿದೆ. ಈ ಪಾಲುದಾರಿಕೆಯಲ್ಲಿ ಒಸಾಕಾ ಗ್ಯಾಸ್‌ ಸಬ್ಸಿಡಿಯರಿ, ಒಸಾಕಾ ಗ್ಯಾಸ್‌ ಸಿಂಗಾಪೂರ್‌ ಪಿಟಿಇ.ಎಲ್‌ಟಿಡಿ (ಒಗಿಎಸ್) ಹಾಗೂ ಜಪಾನ್‌ ಸರಕಾರದ ಆಡಳಿತದಲ್ಲಿರುವ ಜಪಾನ್‌ ಬ್ಯಾಂಕ್‌ ಫಾರ್‌ ಇಂಟನ್ರ್ಯಾಶನಲ್‌ ಕೊಆಪರೇಶನ್‌(ಜೆಬಿಐಸಿ) ಮಧ್ಯೆ ಒಕ್ಕೂಟ ವ್ಯವಸ್ಥೆ ನಿರ್ಮಾಣವಾಗಿದ್ದು ಜಂಟಿ ಉದ್ಯಮದಲ್ಲಿ ಹೂಡಿಕೆ ಮಾಡಲಿದೆ.

ಈ ಜಂಟಿ ಉದ್ಯಮ ಮೊದಲ ಹಂತದಲ್ಲಿ 400 ಮೆಗಾವ್ಯಾಟ್‌ ಸಾಮರ್ಥ್ಯದ ನವೀಕರಿಸಬಹುದಾದ ಇಂಧನ ಪ್ಲ್ಯಾಂಟ್‌ ನಿರ್ಮಾಣದ ಗುರಿ ಹೊಂದಲಾಗಿದೆ. ಈ ಜಂಟಿ ಉದ್ಯಮ ಕರ್ನಾಟಕದಿಂದಲೇ ಕಾರ್ಯಾರಂಭ ಮಾಡಲಿದೆ. ಈ ಯೋಜನೆ ದೀರ್ಘಕಾಲದ ಕಾರ್ಪೋರೇಟ್‌ ಇಂಧನ ಖರೀದಿ ಒಪ್ಪಂದದ ಮೂಲಕ ಭಾರತದಾದ್ಯಂತ ಸಂಸ್ಥೆಗಳು ಸ್ವಚ್ಛ ಇಂಧನ (ಗ್ರೀನ್‌ ಎನರ್ಜಿ) ಮೂಲಕ ತಮ್ಮ ಕಾರ್ಯಚಟುವಟಿಕೆಯನ್ನು ನಡೆಸುವಂತೆ ನೆರವಾಗಲಿದೆ.